Wednesday, December 16, 2009

Oranje Tuindienste

30 November 2009

GEAGTE VOLKSGENOOT

Dit is vir ons 'n groot voorreg om hierdie skrywe aan u te rig om ons
besigheid aan u bekend te stel.

Vanaf 1 Desember 2009 gaan Oranje Tuindienste aan die volgende gebiede
hul dienste kan lewer :
• Hele Pretoria gebied
• Verwoerdburg
• Kleinfontein
• Rayton
• Cullinan
• Bronkhorstspruit

Die dienste wat gelewer kan word sluit die volgende is:
• Sny van grasperke
• Sny van rante
• Versorging van blombeddings
• Verwydering van dooie blare
• Vee van plaveisels en stoepe
• Aanwend van onkruiddoder op versoek
• Verwydering van tuinvullis
• Snoei van bome en struike
• Verwydering van ongewenste bome
• Enige ander versoek in verband met u tuin
Die bogenoemde dienste kan op 'n weeklikse diensbasis gedoen word,
maar ook eenmalig.

Oranje Tuindienste gaan besigheid doen op bepaalde beginsels. Die
belangrikste is dat Oranje Tuindienste SLEGS van Volkseie arbeid
gebruik gaan maak. Ons is ook trots om te sê dat Oranje Tuindienste
net in Afrikaans gaan besigheid doen.

Skakel ons gerus vir 'n gratis kwotasie. Oranje Tuindienste staan
gereed om vir u tot diens te wees! U kan direk vir die skrywer skakel
by 082 737 6325.

Die uwe

Johan Beyers


http://www.oranjetuin.co.za/index2.html

Friday, November 27, 2009

Volkshulp - Kersaksie Desember 2009

Feestyd ?

Die jaar snel weer vinnig na 'n einde en almal sien uit na Desember.
'n Maand van rus, ontspan en kuier saam met familie en vriende. Daar
word druk beplan aan die vakansie wat voorlê. Diegene wat na die see
of vakansie oorde toe gaan, tref opgewonde die laaste reëlings.
Kersdag en nuwejaarsdag word haarfyn beplan: wie kom kuier, wat gaan
ons eet, watter geskenke gaan ons vir wie gee. Die moeilike jaar wat
verby is, is vir eers vergete.

Maar ongelukkig is Desember en veral Kersfees of selfs die nuwe jaar
nie iets waarna almal kan uitsien nie. Daar is volksgenote wat niks
het om na uit te sien nie. Hulle toekoms is donker. Geen werk, geen
besittings, geen geld, geen kersete, geen kersgeskenke, geen familie
wat kom kuier nie. Niks nie. En daar is niks om oor opgewonde te raak
nie, want sien, hulle kans op 'n beter lewe word in die wiele gery
deur rasstellende aksie en swart bevoordeling. Dit is mense wat ander
mense in die oë moet kyk net vir hulle daaglikse brood. Mense in wit
plakkerskampe en welsynshuise. En dit is ons mense. Hulle het nie
gevra om daar te wees of om in hierdie omstandighede te wees nie. Maar
hulle is daar en het hulp nodig.

Bravoland is 'n kubertuiste vir ons mense, maar ons voel dat ons mense
is meer as net diegene wat ons op die rekenaar kan besoek. Ons mense
is al ons volksgenote. Ook die wat hulle in sulke moeilike
omstandighede bevind. Dit is hartverskeurend om te dink dat daar
kinders is wat nie eers na 'n kersete kan uitsien nie, wat nog van 'n
kersgeskenk.

Daarom het ons in die verlede en wil ons weer nou in Desember na
hierdie mense uitreik. Ons beplan om op die 13de Desember die Lochvaal
deurgangshuis naby Vanderbijlpark te besoek. Die beplanning is dat ons
die oggend 'n erediens saam met die inwoners bywoon in hulle eetsaal
(wat ook as kerk gebruik word) wat gelei sal word deur een van
Bravoland se eie dominees. Net voor die diens wil ons vir elke inwoner
ook 'n Bybel gee - voedsel vir die siel. Na die diens wil ons graag
aan elke inwoner 'n geskenkpakkie uitdeel – van die kleuters tot die
bejaardes. Daarna gee ons aan elke inwoner 'n braaipakkie en braai ons
almal heerlik saam. Graag wil ons ook genoeg kosvoorraad aan die
deurgangshuis skenk om hulle verder deur te sien tot volgende jaar
toe.
Maar dit alles kos geld. En Bravoland verdien nie 'n inkomste nie.
Hierdie aksie is slegs moontlik omdat ons daartoe bydra. Daarom wil ek
graag 'n beroep op almal doen om te help deur 'n skenking te maak. Dit
kan geld, kos, geskenke, klere, enige iets wees – maar groot asseblief
help ons om hulle te kan help. Kom ons sit weer 'n glimlag op 'n kind
se gesig en 'n huppel in 'n ou mens se stap. Hierdie mense kan nie
help vir die omstandighede waarin hulle verkeer nie, maar ons beskeie
bydraes kan 'n baie groot verskil maak in hulle lewens. En dan nooi ek
u, kom saam met ons op die 13de na Lochvaal. Kom ons wys vir hierdie
inwoners daar is baie mense wat vir hulle omgee. U sal dan ook die
ware boodskap agter Kersfees self ervaar naamlik:

Ek het julle in alles getoon dat ons deur so te arbei die swakkes moet
help en die woorde van die Here Jesus moet onthou, dat Hy gesê het:
Dit is saliger om te gee as om te ontvang.
(Handelinge 20:35)

Dit is altyd moeilik om te besluit wat moet nou eintlik in die
geskenkpakkies wees. Daarom wil ons almal se hulp inroep deur 'n
kompetisie te hou. Die inskrywing wat vorendag kom met die beste
geheel voorstel, dit beteken 'n voorstel van 'n geskenkpakkie vir elk
van die groepe hieronder, staan 'n kans om 'n splinternuwe NOKIA N73
mobiele telefoon te wen ter waarde van ongeveer R3,500.00. Omdat
Bravoland nie oor onbeperkte fondse beskik nie, beperk ons die waarde
per geskenkpakkie tot 'n maksimum van R50.00. Almal van Bravoland kan
deelneem. Die Volksraad sal die wenner bepaal en die Volksraad se
besluit is finaal. Die sluitingsdatum vir die inskrywings is middernag
van 3 Desember 2009. Die wenner sal op 10 Desember 2009 aangekondig
word. Daar is nie baie tyd oor nie en dié wat deelneem moet gou spring
en hul inskrywings instuur na: scburger@bravoland.co.za of u kan dit
faks na 086 666 7740. U voledige naam asook forumnaam en
kontakbesonderhede moet op u inskrywing verskyn.

Die inskrywing moet die volgende bevat:

- Voorgestelde inhoud (item moet beskryf word) van geskenkpakkie per groep;
- Voorgestelde leweransier van elke item;
- Prys vir elke voorgestelde item.

Die groepe is:

MANS
DAMES
DOGTERS - 1 tot 4 jaar
DOGTERS - 5 tot 9 jaar
DOGTERS - 10 tot 15 jaar
DOGTERS - 16 tot 18 jaar
SEUNS - 1 tot 4 jaar
SEUNS - 5 tot 9 jaar
SEUNS - 10 tot 15 jaar
SEUNS - 16 tot 18 jaar

Onthou u moet vir elke groep hierbo 'n geskenpakkie saamstel om te
kwalifiseer vir die prys!

Sou u graag 'n finansiële bydrae wou maak vir die kersaksie, dan kan u
dit steeds doen deur die geld te deponeer in een van die volgende
rekeninge:


Volkshulp Bankrekening Besonderhede

Naam: Bravoland Ondersteuners Klub
Bank: ABSA
Tipe: Tjek
Tak: Mosselbaai
Rek nr: 407 1429 502
Verwysing: Kersaksie

Rek naam : Oranjekas Spaar en Krediet
Rek no : 27 124 0490
Tak kode : 01 05 45 (Silverton)
Tipe : Tjek
Verwysing : Bravoland

Al die fondse wat so ingevorder word sal aangewend word vir Kersaksie 2009.

Kom ons maak van hierdie 'n grootse aksie.

Boere groete.

Wednesday, November 18, 2009

Verkennerspos PTA

Geagte Verkenner/Oud Verkenner/Belangstellende

Die Verkennersbeweging het die afgelope tyd 'n mooi groei getoon, en dit is
dalk te danke aan die suksesvolle aksies wat die beweging geloods het die
afgelope jaar of twee. Dit is egter so dat die Pretoria pos van die
Verkennerbeweging on-aktief geraak het. In die tye wat ons leef is dit
uiters noodsaaklik dat die pos weer aktief raak en groei.

Hiermee wil die Verkennerbeweging u dan uitnooi na die her-aktivering van
die Pretoria pos. Ons be-oog om die pos weer een van die sterkste en
grootste poste te maak van die Verkennersbeweging. Die besonderhede van die
byeenkoms is soos volg :

Datum : 26ste November 2009
Tyd : 18:30
Plek : TLU Gebou (Jamesrylaan 194, Silverton)

Versprei ook asb die e-pos aan al die volksgenote in die Pretoria omgewing
om hierdie geleentheid by te woon. Nuwe lede wat wil aansluit sal ook die
geleentheid he om ingestel te word as Verkenner.

Vir enige navrae skakel gerus die skrywer by 084 512 9035

Sien u daar!

Jan Beyers

Monday, November 16, 2009

Bravolanders en die Voortrekkermonument

Bravolanders was uiters verbaas toe die nuus breek dat hulle belet is
om bepaalde punte by die Monument te betree. Dat iemand belet word
weens sekere handelinge, kan moontlik meriete hè, maar om te
veralgemeen is werklik swak smaak.

Toe die President van die Verkenners later 'n skrywe ontvang waarin
te kenne gegee word dat mense wat hulle wangedra, optrede kan verwag,
het dit minder logies geword waarom die beletsel dan op Bravolanders
van toepassing gemaak kon word.

Bravolanders het talle jong, beskaafde burgers, maar ewe so is daar
die gryskoppe wat verstom is dat hulle nou ook belet word om daar
teenwoordig te wees. Nou blyk dit dat Bravolanders, en blykbaar ook
Verkenners daar mag opdaag, solank hulle nie inmeng nie.

Nou waarom dan nou 'n beletsel plaas op honderde Bravolanders waarvan
daar myns insiens hoogstens twee of dalk drie persone is wat vir die
Generaal probleme gegee het. Waarom nie maar vir die prokureur Jan vra
om vir hulle elkeen 'n brief te skryf en hulle belet nie; nee, nou
word ek en jy wat baie onskuldig is, onder dieselfde juk gebring. Dit
is nou nie iets om oor skaam te voel nie, want onskuldiges het nie
nodig om die Generaal te gehoorsaam nie. Onskuldige Bravolanders sou
daar kon opdaag en niemand sou dit kon waag om aan hierdie mooi
welopgevoede Bravolanders iets te doen nie.

Kom ons wees meer prakties. Hoe gaan enige iemand weet as ek en jy
daar opdaag dat ons as Bravolanders nie daar op gegewe plekke mag wees
nie – want wie gaan verklaar dat ons Bravolanders is. Tweedens: Soos
die Generaal dit gestel het, sal niemand iets aangedoen word wat binne
die wet optree nie. Ag nou ja, dan wil dit mos lyk asof enige
Bravolander wel besoek kon bring, solank daar nie "ingemeng" of moes
dit gelees het "vermeng" het met die vreemdes in ons poorte nie.

Maar daar is ook 'n ander sy van die saak: As Afrikaners nou hierdie
houding inneem, dan ontketen dit argwaan en aggressie – veel eerder
moes die Generaal 'n brief gerig het en al die Verkenners en
Bravolanders vriendelik uitgenooi het na die betrokke geleentheid. Dan
het hy die visie van 'n leier openbaar – en die guns van almal op hom
verenig. Dan, soos in elke geval, of dit nou wie is, kan daar opgetree
word teen enige persoon wat "vermeng" met die amptenary of wie ook
almal wat na aan die hart van die Generaal en sy prokureursvriend Jan
is.

Dit bring mens by die slotsom – enige persoon wat nie volgens die
reëls van die Generaal optree nie, staan 'n kans dat daar teen so
iemand opgetree kan word. Nou, waarom dan Bravolanders oor die
algemeen kom staan en kwaad maak. Dit wil dus voorkom dat die
Bravolanders wat tot hede 'n finansiële bydrae gemaak het, dit sal
moet heroorweeg.

Daar kan moontlik regsmening verkry word oor die wettigheid daarvan om
Bravolanders wat die afgelope vyf jaar nie naby die terrein was nie,
nou te belet om dit te betree. Die rede is eenvoudig: Daar is honderde
mense wat nie burgers is van Bravoland nie, wat weet dat ek en jy
Bravolanders is, en wat nou vraagtekens plaas oor ons handelinge.

Miskien het die Generaal nie mooi gedink nie – maar net miskien het hy
mooi gedink, en wil hy eerder die volksvreemdes by ons erfnis ontvang
– Bravolanders is tog Afrikaners.

Sou dit dalk die rede wees waarom die Generaal sulke snaakse dinge
toelaat, nee, sulke snaakse dinge reël dat hy nou die vreemde naam
gekry het van "pienk"? Ons sal ernstig moet besin oor ons finansiële
ondersteuning solank hy die amp van Generaal-van-die-Monument beklee.

Ons verfoei sy optrede – en ons sal ons nie deur sy
kamma-weermag-houding laat intimideer nie!!

Tuesday, November 10, 2009

Projek 2010

Daar word beraam dat reeds soveel as 20 000 Afrikaners vermoor is sedert
die ANC aan bewind gekom het in 1994.

Tans is daar 'n projek aan die gang om hierdie name te lys, net soos die
name van ons volk se 27 000 vroue en kinders wat onder die Engelse bewind
vermoor is, gelys is as deel van ons volk se historiese geheue.

Ons mag nie ons mense wat vermoor is, vergeet nie. Daarom is dit
noodsaaklik dat elkeen van hulle se name gelys en onthou moet word vir die
toekomstige geslagte.

Dit is 'n groot taak, en amptelike instellings wil geen samewerking gee
nie. Daarom word almal gevra om te help om hierdie besonderhede bymekaar te
maak.

Gaan besoek asb. http://www.projek2010.co.za en help met die
bymekaarmaak van die
data.

Stuur asb. hierdie e-pos ook aan ander volksgenote, landwyd en ook die
wat na die buiteland is juis as gevolg van hierdie wantoestande, sodat
hierdie projek momentum kan opbou. Daar word gepoog om hierdie databasis op
10/10/2010 te voltooi.


--
Werner Smook
Voorsitter: Pretoria Verkennersjeug

Monday, October 26, 2009

Oranjekas mediaverklaring

Oranjekas het op Saterdag die 24ste Oktober 2009, sy eerste Algemene
Jaarvergadering gehou in die Louis Buhrmann saal te TLU kantore in
Silverton. Tydens hierdie vergadering, is daar 'n mosie van dank en
vertroue in die direksie van Oranjekas ingestel en die positiewe gees wat
daar geheers het, sal lank onthou word. Hierdie positiewe gees heens
Oranjekas is ook 'n kenmerk van Oranjekas sedert sy ontstaan.

Oranjekas het die afgelope drie maande met meer as 60% per maand gegroei en
is die Spaar en Krediet Kooperasies in Suid-Afrika, met die grootste aandele
kapitaal. Daar is tans 55 Spaar en Krediet Kooperasies in Suid-Afrika.

Vyf direkteure moes volgens die statuut herkies word, tydens die Algemene
Jaarvergadering en die vergadering het sonder een teenstem die hele direksie
net so verkies vir die volgende jaar.

'n SKK (Spaar en Krediet-koöperasie) is 'n demokratiese, unieke,
lede-gedrewe, selfhelp Koöperasie. Dit word besit, beheer en bestuur deur
die SKK se lede wat 'n gesamentlike doel het. Die lede het ooreengekom om
hul geld in die SKK te spaar, en dan die geld te gebruik vir lenings aan
lede teen 'n redelike rentekoers. Rente word gehef teen die lenings, om die
beleggings se rente te dek, asook vir die administrasie en bestuur van die
SKK.

Daar word geen winste uitbetaal aan buite-instansies nie en die besluit oor
wat om met die winste te maak, berus by die lede.'n SKK is 'n demokratiese
organisasie wat beteken dat die lede 'n direksie verkies, en die direksie
verkies 'n bestuur om die SKK te bestuur en mense aan te stel. Daar word ook
'n toesighoudende komitee deur die lede verkies, om toesig te hou oor die
bedrywighede van die Direksie.

Mnr. Jan Beyers, Besturende Direkteur van Oranjekas, het tydens ''n
bespreking op die AJV wat gehandel het oor die toekomsblik van Oranjekas,
die volgende gesê : " Oranjekas kan en wil bankwese in Suid-Afrika
verander. Dit gaan Oranjekas regkry deur die die volgende te doen :

1. Voortbou op die goeie produkte en koerse van Oranjekas

2. Voortbou op Oranjekas se goeie diens in Afrikaans en in die kultuur
van die Afrikaner

3. Uitbreiding van Oranjekas se takke en filiale

4. Voortbou op sy goeie en bekwame personeel

5. Vestiging van Elektroniese Bankdienste

6. Skep van 'n groeifonds vir die ekonomiese vryheidstryd van die
Afrikaner "

Mnr. Beyers het sy toespraak afgesluit met die volgende verwerking van
Stephanus Roos se woorde die oggend voor die slag van Majuba: "Ek voel in my
hart dat ons ekonomies moet vry raak, want anders is ons verlore, maar hier
moet ons met mekaar 'n verbond maak om ekonomies vry te raak of almal te
val. Ons God sal ons help en ons SAL ekonomies vry raak, *WANT ONS KAN NIE
ANDERS NIE!*"

*Jan Beyers*

*Besturende Direkteur*

*Oranjekas Spaar en Krediet Koöperatief*

Reg no : 2009/003378/24

Tel : 0860 104 297 Faks : 086 536 5745

Epos : bestuur@oranjekas.co.za www.oranjekas.co.za

Neem uit die geskiedenis die goeie en besluit reg

President Paul Kruger het ons, sy nasate, die opdrag gegee om uit die
geskiedenis die goeie te neem en daarop 'n toekoms te bou.

Helaas gebeur dit nog te veel dat ons eerder verkies om die slegte uit
die geskiedenis te neem, en dan dit as rede voor te hou waarom ons
niks moet doen.

Tans word daar baie aandag gegee aan die herdenking van die
Reddingsdaadkongres sewentig jaar gelede. En inderdaad moet
Solidariteit gelukgewens word met hierdie inisiatief, want ook ons
jonger geslag word weer op hoogte gebring met wat kan gebeur as 'n
volk besiel word met 'n visie. Ja, ook 'n ekonomiese visie van
bevryding, selfonderhoud en uiteindelike ekonomiese vryheid.

Ons het al die opkoms van 'n volksekonomie gesien in die talle
volkseie ondernemings; 'n groep volkseie sakelui saam in die Oranje
Sake-Instituut; die vestiging van 'n Volksbank, Oranjekas; en die
bevordering van volkseie onderwys deur die BCVO en tuisonderwys.

Tog kry ons die idee dat selfs van ons eie mense en instellings nog
nie werklik oortuig is in die krag van eendrag nie. Ons sien nog te
veel spreekwoordelike wiele wat herontwerp word. Maar ons beleef ook
dat ons nog nie die vertroue het dat ons volk weer bereid sal wees om
sy offers te bring nie, en dan gebeur daar intussen dinge wat juis die
volk se vertroue ondermyn.

Die Bybel het ons al die beginsel geleer dat geen twee here gedien kan
word nie. Hierdie waarheid sal ons ook in ons volkslewe, ons
volksekonomie en in die algemeen moet besef en begin uitleef, want
slegs op daardie beginsel sal die volk ook weer sy dikwels geskokte
vertroue herstel.

As ons besluit op 'n volksekonomie, is dit 'n volksekonomie. Dan is
daar geen kompromis moontlik met die vyand se ekonomie nie. Ons kan
nie aanspraak maak op volkskap en volkondersteuning, maar intussen
agterlangs een of ander vorm van ondersteuning van die ANC-bestel
ontvang by wyse van skenkings of subsidies nie, wel wetende dat die
klomp Kommuniste een of ander tyd hulle pond vleis in ruil daarvoor
kom opeis. Ons kan ook nie ter wille van 'n goedkeurende knik van die
vyand, toelaat dat ons weer begin deur ons eie instellings met "net
een of twee" volksvreemdes te belas nie, want dit kom neer op
ekonomiese integrasie, kultuurintegrasie, en uiteindelik fisieke
integrasie. Dit is juis met daardie "een of twee" dat ons sportbeleid
die weg vir algehele oorgawe gebaan het. Ons moet uit die verlede die
slegte neem, en seker maak ons bewandel nie weer daardie weg nie.

Bowenal moet ons eerlik wees. As ons volkseie is, is ons honderd
persent volkseie, nie 99,9 persent nie. Ons moet wys dat ons vertrou
kan word, en daardeur kan ons weer by 'n ontnugterde volk vertroue
skep. Vergeet van slim "strategieë", want ons vyand is nie onder 'n
kalkoen uitgebroei nie. Eerlikheid en eerbaarheid sal die weg van die
toekoms moet wees. En ons hier by die Verkenners is bereid om heel
eerste die hand in eie boesem te steek om seker te maak dat ons die
pad reguit en eerlik stap, tot by algehele volksvryheid.

http://paardekraalverkenners.blogspot.com/2009/10/neem-uit-die-geskiedenis-die-goeie-en.html

Nuuskommentaar - Radio Pretoria

NUUSKOMMENTAAR - 26 Oktober 2009


Helpmekaar

Armoede ken nie kleur nie. Dié woorde het verlede week telkemale op
die Helpende Hand Reddingsdaadkongres weerklink. Natuurlik is dit so
dat almal wat arm is, swaar kry, maar in die nuwe gepolariseerde
Suid-Afrika is niks ongelukkig kleurloos nie.

Die hele grondslag van ons gemeenskap berus op ras. Daar is
rassekwotas vir alles: van sport tot werksgeleenthede, van grondbesit
tot subsidies aan universiteite en van skooltoelating tot hulp aan
armes. As dit nie daarvoor was nie, was dit nie nodig om 'n
reddingsdaadkongres vir arm Afrikaners te hou nie.

Dit is jammer dat daar weer mense was wat probeer het om hulle grys
politieke sienings op die kongresgangers af te dwing met nuttelose
debatte oor volksidentiteit en wie almal gehelp moet word. So al asof
die kongres maar net nog 'n nasiebou-oefening was.

Organiseerders van soortgelyke geleenthede in die toekoms moet miskien
maar kennis neem van hierdie mense se lojaliteite en hulle liefs nie
in die toekoms by volksake probeer betrek nie. Laat hulle in vrede om
die sogenaamde breër Suid-Afrikaanse of selfs Afrikaanse gemeenskap te
probeer dien.

Daar is alreeds genoeg struikelblokke in die pad van
armoedige-verligting vir blankes, wat deur die regering daar geplaas
is. Dit is nie nodig dat ons nog struikelblokke moet uitnooi om oor
ons pad te kom nie.

Dit word oral in die wêreld aanvaar dat Jode by Jode koop, dat
Portugese families in enige land mekaar ondersteun en dat Sjinese
sake-netwerke vorm. Dit is tyd dat ekonomies-kragtige Afrikaners
daarmee vrede maak dat niks wat hulle doen ooit goed genoeg gaan wees
om aan die eise van die ANC se Freedom Charter te voldoen nie, en dat
hulle net sowel betrokke kan raak by hulle eie mense se pogings om
ekonomies selfstandig te raak.

Daar is baie goeie besluite op die kongres geneem, onder andere dat
behoorlike navorsing gedoen moet word oor die omvang van die probleem.
Daar word losweg gepraat van 2,5 miljoen arm Afrikaners, maar niemand
weet regtig hoeveel dit is en hoe groot hulle nood is nie. Niemand
weet ook hoeveel kapitaal werklik in volksgeledere beskikbaar is nie.

Dit is ook positief dat taal verbind word aan ekonomiese
selfstandigheid en dat veral onderwys en opleiding in Afrikaans vir
die kongresgangers belangrik is.

Baie klem is ten regte geplaas op samewerking tussen organisasies, die
skep van netwerke, die rol van vestigingsprojekte en die belang van 'n
toekomsvisie, asook die stigting van 'n fonds vir die bemagtiging van
Afrikaner kinders.

Dit is alles baie goeie idees maar dit gaan net werk as ons almal as
volksgenote inklim en betrokke raak. Daar is nie meer tyd vir suur
druiwe, onderlinge twis en onbetrokkenheid nie. Daar is vanaand 'n
kind wat honger gaan slaap, daar is oor 'n maand 'n matrikulant wat
werk gaan soek, daar is 'n Afrikanerwinkel op die hoek, daar is 'n
gesin sonder 'n blyplek. Dit is waaroor dit gaan. Wat doen JY om te
help?


http://www.radiopretoria.co.za/Nuuskommentaar.php

Sunday, October 25, 2009

Solidariteit se konferensie preek integrasie

Die Voortrekkermonument se muur van herinnering word gebou met geld
wat van Afrikaners ingesamel is by die Voortrekkermonument. Op die
23ste Oktober 2009, was daar by die Voortrekkermonument 'n konferensie
oor Afrikanerarmoede gehou en is daar fotos geneem van volksvreemdes
wat hierdie muur van herinnering bou. Dit sou beteken dat
Afrikanergeld gebruik word om werk te verskaf aan volksvreemdes, dit
terwyl derduisende Afrikaners nie werk kan kry weens die rassistiese
regering se sogenaamde "affirmative action". Dit is hartseer dat die
bestuur van die Voortrekkermonument nie omgee vir arm, werklose
Afrikaners nie en eerder met Afrikanergeld, werk verskaf aan
volksvreemdes. Wat nog meer verbaas, is dat geen van die
konferensiegangers oor Afrikanerarmoede, 'n geluid gemaak het oor
hierdie toedrag van sake nie.


Miskien is dit nie so verbasend nie, veral as mens na die uitsprake
kyk wat by die konferensie gemaak is nie. Prof. Steve Booyens,
voorsitter van die Efficient Group, het gesê om werklik 'n verskil aan
armoede te maak, moet Afrikaners by die sakesektor in die breë en
swart ondernemings betrokke raak. In Steve Booysens se
reenboogdroomwereld bestaan daar seker nie iets soos Affirmative
Action en regstellende aksie nie. Of miskien is hy een van die
kruiperige Afrikaners wat hierdie rassistiese regeringstelsels as
nodig beskryf. Prof. Hermann Gilomee se oplossing vir die
Afrikanerarmoede, is 'n projekte wat fokus om meer bruin
Afrikaanssprekendes in universiteite te kry. Wat kleurlinge met
Afrikaner armoede te make het, sal net Gilomee seker verstaan en hoe
meer kleurlinge in universiteite die Afrikaners in plakkerkampe gaan
help, sal selfs Gilomee nie kan verduidelik nie. Dr. Danie Langner van
Solidariteit Helpende Hand, is voor die konferensie in die media
aangehaal dat hy te vertel gehad het dat "Armoede ken geen kleur nie."
Dit is so dat armoede geen kleur ken nie, die probleem is egter dat
Langer hierdie uitlating gebruik het om die feit dat in die Wes-Kaap
is 70% van die kinders wat deur onder meer die Skooltassie-projek baat
vind by Helpende Hand se opheffingswerk bruin kinders is, te
regverdig. Dit wil dus voorkom dat Solidariteit se Helpende Hand wat
voorgehou word as 'n helpende hand vir Afrikaners, eerder 'n helpende
hand is vir kleurlinge, maar met Afrikaners se geld. Daar mag dalk
gewonder word hoekom Oranjekas, die volkseie kooperatiewebank nie
genooi is na hierdie konferensie oor Afrikanerarmoede nie, maar neem
mens in ag dat Oranjekas onbeskaamd volkseie is, kan mens aanneem dat
Solidariteit van mening was dat Oranjekas nie sou inpas by hierdie
konferensie waar integrasie gepreek word nie. Dit blyk ook die rede te
wees hoekom die Oranje Sake Instituut nie genooi is nie. Die grootste
ironie van hierdie konferensie is dat Helpende Hand kwansuis uit die
geskiedenis gaan neem het wat goed is – die volkskongres van 1939 en
die daaruit voortspruitende Reddingsdaadbond. Solidariteit ken
blykbaar nie die geskiedenis van hierdie volkskongres nie, aangesien
hierdie kongres juis gebore is uit die Afrikaner se verset om nie te
integreer met die Engelse nie. As hulle werklik lesse uit die verlede
wou neem, sou hulle sien dat die Afrikaner se redding in 1939 was dat
die Afrikaner besluit het om nie met die Engelse te integreer nie en
daarom kon die Afrikaner homself red. As Solidariteit se oplossing vir
die Afrikanerarmoede is dat die Afrikaner moet integreer met die
kleurling, soos wat nou voorgehou word in hulle konferensie, dan is
dit geen oplossing vir die Afrikaner nie. Dit wil ook voorkom of
hierdie nie 'n glips is van Solidariteit nie. So byvoorbeeld het hulle
onlangs die kleurling Alan Boesak gebruik om die name van slagoffers
van plaasmoorde te lees oor hulle radiostasie. Op 'n karaoke-DVD van
tradisionel Afrikaanse liedjies wat AfriForum, stalmaat van
Solidariteit laat maak het, sing die Zoeloe, Mangosuthu Buthelezi,
Hoe ry die boere sit-sit so. Hierdie subtiele integrasie is ook nie
vreemd van die dampkring waarin Solidariteit hom tans bevind nie. Die
ATKV, FAK, AHI, Voortrekkers, Agri-SA, Erfenisstigting en Broederbond
het dieselfde integrasie strategie. Met hierdie integrasie strategie,
hoop hierdie organisasie blykbaar om die Afrikaner deel te maak van
die Nuwe Suid-Afrika. Gevolglik kan mens aanneem dat hulle die
vryheidseis van die Afrikaner nie ondersteun nie. Dit is seker ook
hulle goeie reg om nie die vryheidseis van die Afrikaner te ondersteun
nie, die vraag is egter wat gaan die vryheidstrewende Afrikaner maak
wanneer hierdie organisasies in die pad staan van vryheid?
Ben Geldenhuys
Paardekraal Verkenners

Saturday, October 10, 2009

Projek 2010

Geagte Volksgenote

Ons wil u graag uitnooi om hierdie groep te besoek en uself van die
projek te vergewis. Sluit gerus aan en help ons om Projek 2010 te
laat slaag veral deur ander mense daarvan in te lig wat meer
besonderhede kan verstrek oor 'n blanke moord sedert 1994.

http://www.facebook.com/groups/edit.php?success=1&customize&gid=177067125271#/group.php?gid=177067125271

Die webwerf van die projek: http://www.projek2010.co.za/

Die doel van die projek: Om vas te stel hoeveel blankes sedert 1994
in Suid-Afrika vermoor is.

Thursday, October 8, 2009

Volkshulp - Kersaksie Desember 2009

Bravoland help jaarliks om die Kersseisoen 'n mooier tyd te maak vir
menige verarmde volksgenoot. Behoeftiges word nie net met 'n heerlike
maaltyd bederf nie. Die noodsaaklikheid van geestelike versorging,
tesame met die aanvulling van ander noodsaaklike lewensmiddele geniet
ook aandag.

Dit bring vreugde in die harte van jong moeders, van bejaardes waarvan
die lewenstog al moeisamer geword het, van baie suigelinge wat tevrede
moet wees met bitter min.....

In Bravolanders se poging om verligting te bring, het ons meer
volksgenote se ondersteuning nodig. Hierin kan jy 'n beduidende rol
speel deur vanjaar se aksie te steun. Ons is almal
Christen-Afrikaners.

Kom ons doen wat Christus ons geleer het. Kom ons ontferm ons oor ons naaste.

Jy kan 'n bydrae lewer met 'n gewaardeerde skenking op hierdie
bankrekening, waarvoor ons byvoorbaat dankbaar is:

Naam: Bravoland Ondersteuners Klub
Bank: ABSA
Tipe: Tjek
Tak: Mosselbaai
Rek nr: 407 1429 502

Verwysing : Kersaksie
Of besoek Bravoland by hierdie internet adres:
http://www.bravoland.co.za/forum/index.php/topic,4963.msg64351/topicseen.html#new

Friday, October 2, 2009

Nuus oor die VVK

Terwyl die duisend-talle oplaai van Vorm 1's wat hier by die Sentrale
Komitee opdaag en ons ewe gelukkig rondgejaag word deur telefoon- en
e-pos boodskappe, word dit daagliks duideliker: Hierdie volk mag dalk
tot onlangs nog in die nasleep van 1994 "verslae" gewees het, maar hy
is verre van "verslaan". Hy is besig om al sterker vir sy reg as
onafhanklike volk in die state-ry op te staan – en soos altyd wanneer
hy eers oortuig is van sy reg tot 'n sekere bestemming en die roete
daarheen, kan niks en niemand die Bittereinders (wat ook in ons geslag
na vore kom) van stryk bring nie.

Soos wat die maande aanstap word dit al duideliker dat ons 'n
volksgesag gaan verkies as regmatige stap van 'n regmatige proses in
ons stryd van vandag wat steeds die eeue-oue stryd van ons voorouers
is: Die stryd, nie om te oorheers en te verdruk nie, nie om in te palm
nie, maar bloot die stryd om voort te bestaan onder aardse wette wat
ooreenkom met ons begrip van die Vader se Wetgewing - die stryd om
toegelaat te word bloot om te mag bly wat ons is!

Die aantal Registrasie Beamptes kom tans te staan op tussen drie- en
vierhonderd; verder verwelkom ons 'n hele aantal nuwe Streek
Koördineerders: Martie Coetzer (Verkiesing Streek-Koordineerder - VSK
- vir die streek Oos-Vrystaat); Johan Fourie (VSK vir die streek
Natal); Pieter Marx (VSK vir die streek Trans Oranje); Gert Mÿburg
(VSK vir die streek Noord-Kaap); Hennie de Villiers (VSK vir die
streek Wes-Kaap) en Henriëtte van Niekerk (VSK vir Australië).

As Algemene Verkiesing Streek-Koördineerders (AVSK's) wat bestaande
VSK's help om Registrasie Beamptes aan te stel, het bygekom: P.S.
Kruger (Noord-Transvaal), Ds. Ferdi Devenier (Wes-Transvaal), B.C.
Buitendach (Wes-Transvaal), David Grobbelaar (Verre Noord-Transvaal),
Tiaan Theron (Karoo), D.G. Van der Merwe (Wes-Transvaal), B.J.M.
Rossouw (Oos-Vrystaat), O.W. Smith (Natal), Ds. Sarel Roets
(Noord-Transvaal) en Lelani Pelser (landwyd).

HARTLIK DANK aan al die nuwe hande!

Julle sal dalk hierbo opmerk dat daar skielik sprake is van 'n Streek
"Trans Oranje" (suid-, wes- en sentraal Vrystaat) wat nie meer "Trans
Gariep" genoem word, soos voorheen nie. Wel, dié situasie het sy
ontstaan te danke aan 'n kostelike insident op 'n huisvergadering by
Pieter Marx - waarvan hy julle meer sal kan vertel – en wat net gewys
het dat die VVK 'n naam sommer veel vinniger verander as die ANC!

Gedurende Julie-maand is Danie du Toit (VSK: Karoo-Streek) en ek deur
die Noord Kaap en Karoo met 'n vlugtige draai in die Wes-Kaap – en
behalwe vir die talle kieser-registrasies en Registrasie
Beampte-aanstellings, het dit 'n ervaring geword wat my altyd sal
bybly as een van die hoogtepunte van my volksbelewenis. 'n Tyd waarin
ek moed kon put deur weereens te ervaar dat die troue kern van hierdie
volk steeds gevind kan word oor die lengte en breedte van hierdie wye
land en dat daardie kern-oorblyfsel ook kerngesond is!

Intussen het Lelani Pelser by ons aangesluit as voltydse
Administratiewe Beampte en ons wens haar 'n dienstermyn toe wat 'n
waardevolle ervaring sal wees.

Lelani het pragtige VVK-hemde bestel wat einde September teen ongeveer
R200.00 elk gereed behoort te wees – skakel haar gerus om seker te
maak jy word een van die trotse eienaars.

Van hemde gepraat: Nuus uit Brittanje is dat die Jack Hindon
Verkenners (uitgedos in spoggerige VVK t-hemde) 'n Danie
Theron-gedenkkamp van 11-13 September net buite London gehou het ter
bekendstelling van die kieser-registrasie proses in daardie omgewing.
Dankie vir die inisiatief aan Willie en sy span! Dankie ook aan Die
Afrikaner vir 'n netjiese VVK-bylaag in die 4-10 September-uitgawe.
Dit is iets besonders, wat vir latere geslagte bewaar moet word.

Soos hierdie keer met Willie-hulle en Die Afrikaner die geval is, hoop
ons dat die volgende Onlangse Gebeure gaan berig oor wat JY gedoen het
om die volksverkiesing te verhaas. Onthou: JY is die volk! Ons sluit
af met 'n aanhaling van die Duits-Pruisiese filosoof Fichte wat dit
treffend geillustreer het in 'n tyd toe sy volk en staat in 'n
toestand van radeloosheid en verval was:

"…Und handeln sollst du so als hinge von dir und deinem Tun allein das
Schicksal ab der deutschen Dinge und die Verantwortung wär dein".

(overgesetsynde: …handel asof jou volk se noodlot van jou en jou dade
alleen afhang; asof die verantwoordelikheid joune alleen is…)

Groetnis van huis tot huis tot volgende keer,

Paul Kruger

Wednesday, September 30, 2009

Oranje Sake Instituut steun regstellende aksie

Luidens die ideologie van regstellende aksie val die klem daarop dat
die ongelykhede van die verlede reg gestel moet word. In die afgelope
15 jaar, is swartpersone bevoordeel deur swart ekonomiese bemagtiging
en affirmative action ten koste van Afrikaners. Die gevolge van
hierdie ongeregtighede was dat meer as 650 000 Afrikaners tans in
uiterste armoede in plakkerskampe moet leef en dat bykans een miljoen
in die buiteland werk moes gaan soek. Die nadelige, selfs rampspoedige
gevolge vir die hele land, spreek vanself en Eskom kan as so 'n
voorbeeld genoem word.

Hierdie rassediskriminasie teen ons volk wat geskep is, moet nou
dringend reg gestel word en daarom het die Oranje Sake Instituut
besluit op 'n regstellende aksie veldtog wat uit die volk, vir die
volk geloods word. Tydens die nasionale kongres van die Oranje Sake
Instituut op Saterdag 26 September 2009, het die teenwoordige Oranje
Sakekamers hulle verbind tot 'n volkseie indiensnemingsprogram.
Hierdie program het ten doel om werksgeleenthede te skep vir die
verarmde Afrikaner en ook om 'n alternatief te skep vir Afrikaners wat
die land wil verlaat weens 'n gebrek aan werksgeleenthede. Daar is ook
tydens die byeenkoms kennis geneem dat dit wat beoog word ondersteun
word deur die internasionale reg van volke en mense soos vervat in die
Handves van Menseregte van die Verenigde Nasies.

Die ANC regering het oor die afgelope 15 jaar 'n kultuur geskep waarby
hulle slegs na hulle eie kieserskorps en gevolglik slegs na die
swartmassas se belange omgesien het. Weens die wanbalans wat deur die
ANC se optrede geskep is, is daar geen ander keuse as om hierdie
kultuur, van sien om na jou eie, na te volg nie.

Die Oranje Sake Instituut doen ook 'n beroep op volksgenote om oor te
skakel na volkseie arbeid, indien hulle dit nie reeds gedoen het nie.
As daar in ag geneem word dat 80% van huisbrake geskied a.g.v binne
inligting, is dit 'n sekuriteits risiko om volksvreemdes die huiswerk
te laat doen. Verder ontneem elke pos wat gevul word deur 'n
volksvreemde, 'n volksgenoot van 'n geleentheid om uit die kloue van
armoede op te staan.

Ben Geldenhuys
Voorsitter
Oranje Sake Instituut

Tuesday, September 29, 2009

Kultuuraand : 9 Oktober 2009 Bloemfontein

BLOEMFONTEINSE KULTUURVERENIGING

('n Gesinskultuurvereniging vir Afrikaners)

Ons leuse: 'n VOLK RED HOMSELF

Liewe Kultuurvriend,

2009 GAAN SNEL VERBY

Die uurglas vir 2009 is vinnig besig om leeg te loop en wie sou dit
nou aan die begin van die jaar kon dink! Hier is ons nou al by ons
laaste kultuurgeleentheid vir hierdie jaar, behalwe vir ons
betrokkenheid by Geloftedag op 16 Desember.

Jou vriendelike uitnodiging lyk só:

Na aanleiding van 'n versoek by verlede jaar se dinkskrum, kyk ons
hierdie keer na die betekenis van ons Gereformeerde Belydenisskrifte
in die huidige tydsgewrig en die jare wat voorlê. Gelowige Afrikaners
wonder soms of ons Belydenisskrifte tans nog relevant kan wees. Kom
luister gerus en kom praat saam.

Datum en tyd: Vrydagaand, 9 Oktober 2009 om 19:00
Plek: Ouditorium, Bybelhuis
Gespreksonderwerp: Die Belhar Belydenis - wat is die bohaai?
Gespreksleier: Professor Johan Janse van Rensburg
Prof. Johan is geen onbekende by ons nie en kan onderhoudend en met
gesag oor geloof- en kerksake gesels.

Verder sluit ons program in:
• Opening – ds Gert Terblanche.

• Paul Kruger - vas soos 'n berg! (ds Bertie de Lange).
• Koorsang.
• Voorlees van 'n humoristiese skets.
• Lekker saamsing.
• Breek 'n lans vir Afrikaans - het jy dit gedoen? Kom deel met ons.


Ons volk is met die rug teen die muur - in baie gevalle 'n banneling
in ons eie land. Daarom is dit nodig dat volksgenote rondom ons
geloofsbegronding, ons taal en ons kultuureie mekaar moet versterk om
die aanslae te kan afweer. Kom ons doen dit ook hierdie keer.

Vriendelike kultuurgroete van huis tot huis.
Sam de Klerk, 24 September 2009. Tel. (051) 446-1899

Friday, September 25, 2009

Verkennerskongres 3 Oktober 2009

U word harlik uitgenooi om die Transvaalse Verkennerskongres by te woon.
Dit sal plaas vind op 3 Oktober 2009 by die Willie Marais
Afrikanersentrum in Pretoria. Die kongres sal begin om 9 uur die
oggend.

Na afloop van die kongres sal daar 'n bring en braai geleentheid wees.
Bring u eie drinkgoed saam. Kom geniet dit gerus saam met ons.

Laat weet asseblief indien u beplan om die kongres by te woon, sodat
ons die nodige voorsiening kan maak.
Let asseblief daarop dat u ledegelde opbetaal moet wees voordat u
stemreg by die kongres sal hê. Ledegelde kan by die kongres self ook
betaal word.
Ons herinner u dan graag weer daaraan dat u voorstelle vir
besprekingspunte asook grondwetwysigings aan onderstaande e-pos adres
kan stuur.
Indien u voorstelle het vir toekennings wat by die kongres gemaak moet
word, moet u dit asseblief dadelik ook aan die e-posadres stuur.

Vir meer inligting, kontak gerus vir Werner Smook by:

wernersmook@gmail.com

of 084 271 4777
Verkennergroete

Monday, September 21, 2009

Bravoland Kersfees hulpaksie 2009

Kom ons help ons mense


Bravoland se inwoners het die afgelope jare telkens hulle hand in die
sak gesteek om ons verarmde volksgenote te help. Dit is daardie deel
van ons volk wat nie oor 'n inkomste beskik nie weens die onreg van
"verkeerdstellende aksie" van hierdie owerheid.
Die verarming neem toe onder ons mense – kinders wat die voorreg van
skoolgaan nog nooit beleef het nie, wat nog nooit die feestelike van
Kersfees kon ervaar nie, wat nog nooit skoene gehad het nie……. Dit is
ons mense, en dit is nie hulle skuld dat dit so is nie.
Bravoland wil weer vanjaar help waar dit nodig is. Die gemeenskap wat
daardie hulp dringend nodig het, is reeds geïdentifiseer. Nou moet
daar net planne gemaak word om daardie gemeenskap gedurende die
Kersseisoen iets te laat beleef van die vreugde van Kersfees. Die
geestelike waardes moet saam met die stoflike noodsaaklikhede geskenk
word aan hierdie mense wat die gevoel van honger en koudkry so goed
ken.
Bravoland het 'n verantwoordelikheid wat nagekom moet word. Daardie
verantwoordelikheid word nou gerugsteun deur 'n wonderlike vriend wat
R1.00 skenk vir hierdie aksie vir elke R1.00 wat deur Bravolanders
bewillig word, tot 'n maksimum bedrag van R10,000-00 Dit beteken dat
ons hierdie Kerstyd tot soveel as R20,000-00 kan aanwend om ons eie
mense te bevoordeel op besondere wyse.
Laat ons dan alles in die stryd werp om ons deel van R10,000-00 in die
komende maande bymekaar te bring sodat ons nie net die vreugde van
Kersfees oordra nie, maar ook in die dae meer permanente verligting te
bied as net Kersdag.
Ons roep u op tot diensbaarheid – ons is immers Christen-Afrikaners
wat uit dankbaarheid ook hierdie jaar ons weldaad wil verrig.
Elders op die Forum sal u die bankbesonderhede vind – en u is welkom
om meer as een keer in die volgende maande 'n skenking te maak.
Kom ons probeer om daardie R10,000-00 in te samel met 'n gejubel uit
dankbaarheid vir ons eie voorregte wat ons so onverdien uit die
Vaderhand ontvang. As ons daarin slaag, sal ons vriend nog R10,000-00
daar byvoeg.
Wat 'n heerlike roeping om te vervul.

Vir meer besonderhede , besoek :
http://www.bravoland.co.za/forum/index.php/topic,4963.0.html

Friday, September 18, 2009

Radio Pretoria vier sestiende bestaansjaar

Dit is 'n groot eer om aan ons eie Radio Pretoria geluk te wens met 15
jaar se diens aan die volk. Meeste van die Bravolanders is in hulle
20's en dus het hulle groot geword met Radio Pretoria. As ek die
volwasse volksliefde van hierdie jongmense aanskou kan ek nie anders
om te besef die groot invloed wat Radio Pretoria het op die volgende
geslag. En dit is tog waaroor ons stryd gaan, om ons volskeie te
bewaar vir die volgende geslag. Ek kry die vyand jammer wat die
volgende geslag Radio Pretoria luisteraars gaan teenstaan!

Ons besef nie altyd hoe bevoorreg ons is om 'n volksradiostasie te he
nie. Hoe bevoorreg ons is om in hierdie land nog met Die Stem wakker
gemaak te word. Om die nuus suiwer te hoor. Om op hoogte te bly van
wat in ons vryheidstrewe aan die gebeur is. Hiervoor se ons dankie aan
Radio Pretoria. Ook se ons dankie aan die mense wat by Radio Pretoria
werk vir die opofferings wat hulle maak. Dankie ook dat hulle ons
herinner dat die Vierkleur weer sal wapper. Want in ons stryd is dit
so maklik om moedeloos te raak, tog is Radio Pretoria altyd daar om
aan die moedelose weer hoop te gee.

My verjaarsdagwens vir Radio Pretoria, is dat al julle wense sal waar
word. Dat die Vierkleur weer sal wapper en dat julle waarlik grensloos
sal wees!

Die uwe,

Ben Geldenhuys
President
Bravoland

Thursday, September 10, 2009

Paul Krugerdag - 10 Oktober 2009 Paardekraal

Vandag is daar presies 'n maand oor voor die Paul Krugerfees te
Paardekraal. EK kan egter noem dat Alwyn uitstekend gedoen het met die
reelings. Daar is nou wraggies nie 'n ding uit plek nie.

So bietjie terugvoer oor die dag. Dit is nou nie meer net 'n dag nie,
maar 'n naweek. Die Vrydagaand gaan daar weer vir Oom Paul se
standbeeld 'n ampserp op gesit word. Dit is die derde keer wat dit nou
gebeur en ons kan seker al van 'n instelling praat. Dit is ook 'n
gewilde instelling, verlede jaar het ons bykans 'n 100 mense daar
gehad sonder dat ons werklik mense genooi het. Hierdie jaar sal daar
verseker meer mense daar wees!

Die ander goeie nuus is dat die beveiling van Paardekraal teen
volgende week klaar sal wees. Wat beteken dat dit nou baie veilig sal
wees om daar te kamp. Een van die Paardekraal Verkenners wat ook 'n
elektrisien is, het onderneem om die badkamers met krag en warmwater
te voorsien voor 10 Oktober. Gevolglik verwag ons baie meer kampers
vir daardie naweek. Die reuse bedrag van R75-00 per staanplek per nag
sal gehef word. Hierdie bedrag sal gebruik word om die kamp gebied
verder te verbeter.

Die gewilde skyfskiet sal weer aangebied word en daar sal ook 'n
Boeresport stalletjie wees, waar daar bokmis gespoeg sal word, paal
gegooi sal word en ook baksteen gegooi sal word. Deur die loop van die
dag sal daar sakressies en toutrek ook wees.

Die gewilde friesperde sal ook weer daar wees en ek het verneem van 'n
perdekarretjie waarop oud en jonk sal kan ry.

Aangesien ons Oom Paul se verjaarsdag vier, is daar besluit op 'n
hoogs tradisionele fees. Daar kom blykbaar 'n Tannie wat gaan
Boerebrood bak. Verskeie Boere-orkeste gaan optree waaronder die
gewilde Penkoppe ook is. Natuurlik is die Volkspele ook wees daar,
want geen fees by Paardekraal sal volmaak wees sonder die Volkspele
nie.

Van die stalletjies wat al bevestig het is:

Camdix - met hulle militaria uitstalling.
GK267 - Volkseie aandenkings
Willie Bienedell -Volkseie boeke
Horst - Volkseie boeke
Orania beweging - Inligting m.b.t Orania
VVK -Registrasie en inligtingspunt
HVO - Oranjekas, HVO en enige ander inligting m.b.t die Volksekonomie
Verkenners - Inligting oor die Verkenners
CVO Brandwag - Inligting oor die CVO bestel

Die kosstalletjies sal deur verskeie volkseie kerke behartig word.

Persone wat die fees bywoon is welkom om in tradisionele drag te kom,
ons volk het niks om voor skaam te wees nie en gevolglik sal ons met
trots ons erfenis uitleef!

Tuesday, August 25, 2009

Bravolanders se gedigte

BESKIKTE VOLK

Waarom sou God die roete om die Kaap laat ontdek
en dit dan laat vergaan in woesteny?
Waarom sou Hy Hollanders hierheen laat vertrek
as Hy hulle in Europa wou laat bly?
Waarom beskik Hy 'n volksplanting aan die Kaap
terwyl die land tog vol Afrikane kon wees?
Waarom versteur Hy die land wat vir eeue al slaap
en vestig Hy 'n beskaafde volk wat Hom vrees?
Waarom stuur Hy juis van Brittanje setlaars
as die Xhosas reeds amper daar was?
Waarom beskik Hy 'n grensoorlog: só barbaars
dat die Boere met hul waens die binneland in verkas?
Waarom stuur Hy vir Piet Retief met 'n traktaat
na Dingaan om deur hom vermoor te word?
Waarom laat kom Hy deur Bloukrans en Wenen 'n jammerstaat
waarin die Boere trane en bloed stort?
Waarom die klinkklare sege van Bloedrivier
as die Boere nie die land moes bewoon?
Waarom laat Hy die Boere deurgaans seëvier
en voer hulle in elke aanval die bo-toon?
Waarom bring Hy oorloë teen Brittanje - só wreed
maar gee aan die Boere telkens die oorwinning?
Waarom word die unie en republiek dan konkreet
waarin alles gestel word onder sy beskikking?
Waarom oorleef hierdie volk terroristebomme
geplant op ons grense en stasies?
Waarom is die volk steeds onoorwonne
en bly gelowig in alle situasies?
Waarom twyfel mense dan nou aan die toekoms
net omdat 'n nuwe vyand ons bedreig?
Was daar nie altyd antwoorde vir al ons hoekoms
wanneer ons nederig voor die Almagtige swyg?
Adri van Staden (25/8/09)

http://www.bravoland.co.za

Wednesday, August 19, 2009

VTM bied musiekfees vir transvestiete aan.

Geagte Volksgenote,

Dit stem my tot groot ongelukkigheid om kennis te neem dat daar 'n
musiekfees aangebied is vir 'n groep transvestiete en ander persone met
afwykings by die Voortrekkermonument. Dit maak 'n bespotting van ons
kultuurerfenis en mens kan maar net wonder hoe so iets goedgekeur is deur
die rentmeesters van ons kultuurerfenis by die Voortrekkermonument. Hierdie
onaanvaarbare toedrag van sake sal seker weereens deur die bestuur op een of
ander manier goed gepraat word. Net soos die afgodsbeelde en kondome wat by
die winkel verkoop word. Of soos die "model" wat op die Senotaaf afgeneem
is.

Hoeveel meer vernedering moet hierdie volk ervaar? Hoe is dit moontlik dat
hierdie soort van gebeure goed gepraat kan word deur die sogenaamde bestuur
van die Voortrekkermonument? On sweet nou al dat die volkskultuurvlag, die
Vierkleur nie welkom is by die Voortrekkermonument nie, maar nou wil dit
voorkom dat transvestiete, kondome en afgodsbeelde wel welkom is. Beteken
dit dat slegs dinge wat die volk verneder welkom is en dat goed wat die volk
enige vorm van trots mag gee onwelkom is?

Het die Voortrekkermonument nou 'n propaganda instrument in die hande van
die ANC geword, waarmee hierdie volk afgekraak en verneder moet word? Waar
gaan dit stop??

Die ironie is dat die sogenaamde "vriende van die VTM" 'n groep volksgenote
is wat finansiëel bydrae tot die Voortrekkermonument. Gevolglik is hierdie
groep besig om die volk se ondergang te finansier!

Ek weier om te aanvaar dat die afstammelinge van die Voortrekkers in 'n spul
sikofante ontaard het. My oproep aan die handjievol volksgenote wat nog 'n
ruggraat het, is om nie hierdie toedrag van sake gelate te aanvaar nie. Laat
u stem hoor, behalwe as u ook 'n sikofant is, wat hierdie gebeure aanvaar.

Ben Geldenhuys

Tuesday, August 18, 2009

Media verklaring - Oranjekas 18 Augustus 2009

Na aanleiding van die aankondiging van die reserwebank op 13 Augustus
2009 dat rentekoerse met 'n halwe persentasie punt gesny sal word, het
die Direksie van Oranjekas besluit om ook die uitleenkoers van
Oranjekas met 'n halwe persentasiepunt te sny. Oranjekas het egter
aangekondig dat rente wat beleggers en rekeninghouers ontvang nie
aangepas sal word nie.

Oranjekas Spaar en Krediet is 'n volkseie finansiële ko-operatief, wat
die beste belang van die volk eerste stel. Mnr. Jan Beyers, Besturende
Direkteur van Oranjekas het gesê "Oranjekas het 'n verantwoordelikheid
teenoor sy aandeelhouers om winsgewend te wees, maar het ook 'n
verantwoordelikheid teenoor die volk om in die resessie waarin die ANC
regering die land gedompel het, die volk tot hulp te wees." Hy het
bygevoeg "dit is vanjaar die 70ste herdenking van die
Reddingsdaadbond, eerder as om te praat of nostalgiese kongresse
daaroor te hou, wil Oranjekas 'n bydrae lewer tot die ekonomiese
welstand van die volk in die gees van die Reddingsdaadbond".

Beyers het bygevoeg dat daar nuut gedink sal moet word, om die
finansiële aanslae teen die volk die hoof te bied. Die ANC regering
gaan hierdie volk geen gunste doen nie en gevolglik sal daar 'n eie
ekonomie ge herskep moet word. In tye waarin die volk swaarkry, is dit
onmoontlik om van die volk te verwag om slegs op nostalgiese redes 'n
saak te ondersteun, daar moet ook gekyk word na die ekonomiese
voordele en realiteite. Oranjekas bied aan die individuele volksgenoot
verskeie voordele en die individu se deelname skep weer die
geleentheid om ander volksgenote tot voordeel te wees. Op hierdie
manier, red die volk homself.

Tuesday, August 4, 2009

Paardekraal Monument Vandalisme

Volksgenote

Die PVJ het die volgende inligting ontvang van die Paardekraal Verkennerspos
in Krugersdorp.

Ons deel dit met u, sodat daar kennis geneem kan word van hoe disrespekvol
daar met ons kultuurgoedere gehandel word.

Laat ons altyd bou en beskerm, dit wat vir ons kosbaar is en nooit soos die
res van Afrika afbreek, omdat hulself weinig indien enige iets het waaraan
hulle gebou het nie.

-----------------------------------------------------

Sedert 2007 is daar op gereelde grondslag voorvalle van diefstal en
fandalisme by die Paardekraal Monument in Krugersdorp. Die koperkabels wat
die elektriese toevoer voorsien is weg gedra en feitlike alle metaal items
is gesteel. Dit sluit in lamppale en vlagpale. By die badkamers is daar
gereeld in gebreek en alle koper krane en pype is gesteel. Na die badkamers
herstel is, is daar op die dag wat die herstelwerk gedoen is, weereens
ingebreek en weereens is die krane gesteel. Al die nuwe wasbakke is ook
tydens hierdie inbraak gebreek. Daar is duisende Rande spandeer, nie net om
die verwoesting te herstel nie, maar ook om dit wat nog daar is, veilig te
kry. So is daar byvoorbeeld by die badkamers doringvurkhekke opgesit en
verskeie vensters is met staalplaat toe gemaak. Ongelukkig is ook hierdie
staalplaat gesteel en so ook die doringvurkhekke.

Vir die Paardekraal Verkenners, soos menigste ander Afrikaners lê die
Paardekraal Monument baie naby aan die hart. Gevolglik is daar besluit om 'n
strategie te ontwikkel om Paardekraal te beveilig. 'n Taakspan is aangestel
onder leiding van Sid Mann wat al die moontlikhede ondersoek het en het met
'n strategie na vore gekom wat nie net die terrein sal beveilig nie, maar
ook sal poog om die terrrein te herstel tot 'n bruikbare toestand waarop
volksgenote weer trots kan wees.

Hierdie plan is aan die Paardekraal Feeskomisie voorgelê en is ook
goedgekeur. Ook is nodige fondse hiervoor deur die Paardekraal Feeskomisie
goedgekeur. Op Dinsdag 28 Julie 2009 is daar dan ook begin met die
opgradering van die sekuriteit. Volgens beplanning sal daar 'n dubbelheining
opgerig word, waarby die binnekantste heining ge-elektrifiseer sal wees en
ook gekoppel sal wees aan 'n alarm. Die kampterrein sal ook weer voorsien
word van elektrisiteit. Verder word daar ook beplan om 'n terreinopsigter
aan te stel wat op die terrein sal woon. Hierdie eerste fase van die
verbeterings behoort teen September afgehandel te wees.

Ben Geldenhuys

Voorsitter

Paardekraal Verkenners

[image: 024b.jpg]

Gemors wat voor die monument gegooi is.

[image: 027b.jpg]

Poging om stoor oop te breek. Let op die waterpype wat gesny is om te sien
of daar kragkabels in is.

[image: 028b.jpg]

Sinnelose skade aan die gebou.

[image: 029.jpg] [image: 035b.jpg] [image: 038b.jpg] [image:
04082009008b.jpg] [image: 04082009010b.jpg] [image: 04082009011b.jpg] [image:
04082009012b.jpg] [image: 04082009016.jpg] [image: 04082009017b.jpg]


__

--
Werner Smook
Voorsitter: Pretoria Verkenners Jeug

Friday, June 12, 2009

Skep jou eie toekoms - Amptelike persverklaring uit Bravoland

Die Afrikaner moet besef in 1994 het hy alles verloor wat hy eens
opgebou het in Suid-Afrika. Tans is talle daarvan vervalle of verwoes
en dit wat oor is, se naam word verander of verengels, net om die
Afrikaner tot die besef te bring dit behoort nie meer aan hom nie.

So is dit ook met die Universiteite en staatskole. Dit behoort aan die
staat en die staat word deur die ANC regime beheer. Hierdie regime het
ten doel om 'n revolusie te laat plaasvind en die Afrikaner en sy
strukture pas nie in by hierdie beplanning nie. Dit is sinneloos om
hierdie revolusie te probeer keer, alle pogings om dit te probeer
keer, stel slegs die kwade dag. Hierdie energie kan beter aangewend
word.

As die Afrikaner wil oorleef in die Nuwe Suid-Afrika, sal hy vir
homself sy eie toekoms moet skep. Sy eie strukture daar moet stel wat
hy self beheer.

Voorbeelde hiervan bestaan reeds. Toe die SAUK die ANCBC geword het,
is Radio Pretoria geskep. Vandag is Radio Pretoria 'n baken van hoop
en 'n toonbeeld van 'n volk se wil om te oorleef in die donkerste van
kontinente. Dieselfde geld vir die skoolstelsel. Daar was gelukkig
mense met visie, wat 15 jaar gelede reeds besef het dat die ANC regime
se doel is om alle Afrikaanse skole te verengels en die skole te
gebruik om hulle revolusionere propaganda te versprei. Daarom het
hierdie visionere die BCVO gestig en hieruit is gebore die
onafhanklike Afrikaanse eksamenraad. Vandag word daar twee Afrikaanse
matrieksertifikate in Suid-Afrika erken. Die van die staat en die van
die OAE. Universiteite aanvaar die OAE se matrieksertifikaat met ope
arms, oor die standaard van die staat se matrieksertifikaat is daar
talle vrae. Die volgende logiese stap sal wees om onafhanklike
Afrikaanse universiteite daar te stel gebaseer op westerse eerte
wereld standaarde. Hierdie droom is baie naby daaraan om 'n realiteit
te word!

Hierdie strukture kos egter geld, daarom is dit belangrik om 'n eie
ekonomie binne die ekonomie te skep. Die eerste stappe in hierdie
verband is reeds geneem met 'n eie bank wat gestig is. So ook eie
sakekamers, wat van krag tot krag groei ten spyte van die moeilike
ekonomiese toestand waarin die land verkeer.

Laat die regime dus voortgaan met sy swart ekonomiese bevoordeling, om
dit te probeer stop is sinneloos. Om dit te ondersteun is net so
sinneloos, want alhoewel dit mag voorkom of net die pinkie nou gevra
word, sal die hele hand uit eiendelik gegryp word.

Die Afrikaner is besig met sy eie ekonomiese bemagtiging. Uit hierdie
ekonomie sal die Afrikaner weer sy eie strukture daar stel. Strukture
wat hy self sal beheer en wat nie afgetrek sal word na 'n Afrika
standaard toe nie. Hierdie strukture word op 'n eerste-wereld
standaard gehandhaaf, soos waaraan die Afrikaner gewoond is en waarmee
die Afrikaner gemaklik voel.

'n Uitdaging waarmee die Afrikaner ook sit, is dat niemand 'n mandaat
het om namens hom op te tree of na sy belange om te sien nie. Daarom
is ek opgewonde oor die proses wat die VVK begin het. 'n Proses waar
daar 'n demokratiese raad verkies gaan word wat 'n mandaat sal besit
om namens die Afrikaner op te tree en na sy belange om te sien.

Dit is egter tyd dat elkeen hand in eie boesem steek. Dat die
strukture wat reeds geskep is ondersteun word en dat daar 'n toekoms
verseker word vir ons en die wat na ons as Afrikaners gebore word in
hierdie land.

Thursday, June 11, 2009

Finmech Ingeneurs Dienste

Finmech Ingeneurs Dienste

Kontak Persoon: MC Pretorius
Kontak Besonderhede:
Tel: 012 567 1816
Sel: 082 928 7816
E-Pos: finmech@mweb.co.za

Dienste Gelewer: Algemene en presisie ingeneurs werke. Ontwerp en
Verwerking van konsep ontwerpe. Veiligheid en sekerheid speel `n groot
rol, maak net gebruik van volkeie arbeid (Pa en Seuns onderneming).
Het `n wye verwysings raamwerk en kan bykans enige projek deurvoer.

Friday, June 5, 2009

"Volksekonomie"

Geagte Vriende,

• Word nou deel van Oranjekas deur aandele op te neem en so u
lidmaatskap te bevestig. Minimum aandele wat bekom kan word is 5 @
R100 elk. Skakel gerus Oranjekas vir meer inligting.


• Oranjekas poog om 'n volkseie instelling te word deur te registreer
as 'n Koöperatiewe Bank. Wys u ondersteuning vir die Volksekonomie
deur aandele op te neem!


• Hoe meer mense direk by Oranjekas spaar en belê, hoe vinniger kan
Oranjekas u al die dienste bied wat enige kommersiële bank u kan bied.


• Spesiale tariewe kan beding word deur Volkseie organisasies wat
rekeninge wil oopmaak.


• Help ons bou aan 'n toekoms vir die Afrikaner deur 'n Volkseie
ekonomie te vestig!

Vir meer inligting en kontak besonderhede, besoek gerus:

http://www.oranjekas.co.za/

Wednesday, June 3, 2009

Bravolanders se gedigte

Oproep

Ek is gebore in Afrika, ek is 'n Afrikakind
Eeue gelede het my voorsate skuiling hier gevind.
Maar nou is ek onderdrukker, gehate, 'n pes.
My familie en vriende uitgemoor met geweer en mes.

Soos skape het ons gevolg wie ookal lei,
gedoen wat ons wil, teen die hele wêreld vry.
Nou is ons herderloos, soekend en verloën,
vergete ons godsdiens, tradisies, ons Afrikadroom.

Ons het gewoon waar ons wil, gekom en gegaan
eie skole, eie kerke en lande vol graan
ons bly nou in tronke, te bang om te reis
ons skole swart en ons plase geëis.

Word wakker my Volkie, dis amper te laat,
ons eie mense staan en bedel op straat.
Verblind was ons, getrap in 'n strik,
maar staan nou saam en God sal beskik.

Heiletje Olivier

Friday, May 15, 2009

Antwoorde op aantuigings teen ons

Dit het aan die lig gekom dat mnr. Gert Opperman die volgende skrywe per
e-pos versprei het om ons, die PVJ, in 'n slegte lig te stel. Ons stuur dit
aan u om enige onduidelikhede wat daar tans mag bestaan, sowal as
wanopvattings wat later sou kon ontstaan, uit die weg te ruim.

Hier volg eers die brief van mnr. Opperman en daarna volg ons antwoorde.

----------------------------------------------------

Geagte Vriende

Geliewe kennis te neem dat 'n groep van 17 lede van die Verkenners Jeug
(Konserwatiewe kultuurorganisasie wat destyds as teenvoeter vir die
Rapportryerbeweging gestig is en nie verwar moet word met die Voortrekkers
se Verkenners nie), op Saterdag, 10 Mei) die VTM Geskenkwinkel beset het uit
protes teen "volksvreemde items" (lees onder andere die "nuwe" landsvlag),
wat daarin verkoop word.

Ons was voorbereid daarop, alhoewel die President van die Verkenners vooraf
pertinent ontken het dat daar só-iets beplan word. Die besetters het
aanvanklik gedreig dat hulle deurnag daarin sou bly totdat die "ongewensde
items" verwyder is, maar is kort na 18h00 deur die SAPD oortuig om die
terrein sonder verdere insident te verlaat. Die alternatief was dat hulle
gearresteer sou word en die nag in Pretoria Sentraal sou moes deurbring het,
iets wat ons ook nie graag wou gehad het nie.

Hulle het wel 'n protesskrif aan my geadresseer agtergelaat, maar dit het
nie veel nuuts bevat nie.

Mev Crous, die winkeleienaar, was deurentyd teenwoordig en het na afloop
daarvan haar tevredenheid uitgespreek met hoe die saak vanaf ons kant en
deur die SAPD hanteer is.

Ongelukkig steun hierdie groep op onwaarhede om hulle weergawe van die
situasie meer geloofwaardig te laat klink. Graag word kategories bevestig
dat dit nie waar is nie:

a. Dat ek nie op hulle vertoë gereageer het nie. Hulle het
wel nie hulle sin gekry nie, wat nader aan die waarheid sou gewees het.
(Daar is bv vooraf 'n lang brief – soos aangeheg - en opvolg elektroniese
boodskap aan hulle gestuur in reaksie op hul aanvanklike klagtes).

b. Dat ek nie gereageer het op hulle versoeke vir 'n
vergadering nie. Benewens bovermelde skrywe en die opvolg elektroniese
boodskap, het ons het nog verlede week 'n afspraak met mnr Henk van der
Graaf, omroeper van Radio Pretoria en terselfdertyd President van die
Verkenners , gehad. Hy het ontken dat hy enigiets van só 'n beplande aksie
weet en sou my Donderdag kom sien het, net om Donderdag-oggend op navraag te
laat weet dat hy "nie meer kon kom nie omdat hy na Nampo te Bothaville moes
gaan". Hy was egter vanoggend reeds weer aktief as omroeper op Radio
Pretoria, om 'n onderhoud met sy betrokke organisasielede oor die
besettingsaksie te kon voer (wat 'n groot vraag plaas oor sy objektiwiteit
as omroeper).

c. Dat daar kopdoeke in die geskenkwinkel is met Winnie
Mandela se foto op, louter snert!

Die VTM se uitgangspunt bly soos volg:

a. Die VTM is 'n private maatskappy onder beheer van 'n eie
direksie, wat na die beste van sy gewete en vermoë onder andere teen 'n wins
moet handel dryf om vir sy eie oorlewing te help sorg.

b. Sekere van ons fasiliteite op die terrein is
uitgekontrakteer aan privaat ondernemers, wat die reg het om hul besigheid
met die oog op eie wins of verlies te bedryf. Alhoewel ons van hulle verwag
om dit binne die etos van die VTM te doen, is dit hulle goeie reg om op die
grondslag van billike vraag en aanbod produkte te verskaf om aan die
behoeftes van hul publieke te voldoen.

c. As ons nie aan die aanvraag voldoen nie, sal die besoekers
net elders die produkte wat hulle verlang, aankoop, Alhoewel ons hoegenaamd
nie 'n tweede Dieretuin-verkoopplein is of wil wees nie, moet ons aanvaar
dat veral buitelandse besoekers soms iets anders as bloot ossewaens en
dolosse wil koop.

d. Myns insiens het die argument oor die "nuwe" landsvlag sy
relevansie verloor. Die ou Republiekvlag is vir alle praktiese doeleindes
reeds amper vergete en ons het sedert 1994 'n ander landsvlag, ongeag hoe
lief ons vir die ou vlag was en of individue of groepe van die "nuwe" een
hou of nie. Van ons jonger kinders is onder die "nuwe" vlag gebore en ken
geen ander een nie. Om nou skielik by die ou Republiekvlag (wat ook vir
"Regses" skielik nie meer aanvaarbaar is nie), verby te wil terugbeur na die
Vierkleur en die Vrystaatse vlag, is om die verlede ten koste van die hede
en die toekoms te wil herkonstrueer.

e. Die betrokkenes begin hulself nou net eenvoudig té veel
aanmatig. As hulle nie die landsvlag afneem by 'n jong Voortrekkertjie
tydens 'n konsert in die VTM nie, of aktiwiteite te Bloedrivier probeer
ontwrig omdat hulle nie daarmee saamstem nie, begin hulle nou ook al poog om
aan ons voor te skryf oor hoe ons die VTM en die geskenkwinkel moet bedryf.
Dit sal nie geduld word nie.

f. Daar sal nie toegelaat word dat ons huurders of enige van
ons besoekers of die gebruikers van ons fasiliteite, of die lede van die VTM
se bestuur, deur dreigemente geïntimideer word nie. As dit nodig is, sal
daar, sonder aansiens des persoons, baie streng opgetree word. Dieselfde
benadering geld tov aktiwiteite wat plaasvind in die Monument of by enige
ander terrein wat onder die VTM en die Erfenisstigting se beheer val.

Vriendelike groete

Gert Opperman

Hoof Uitvoerende Beampte

Die Voortrekkermonument en Die Erfenisstigting

Tel: (012) 326 6770

Fax/faks: 086 635 4683

Sel/cell:083 300 4580


------------------------------------------------------------------------------------------------------------------------


Die Pretoria Verkenner Jeug (PVJ)wil graag hiermee antwoord op 'n brief van
mnr.Opperman wat deur homself aan verskeie mense gestuur is. Alhoewel dit
ons nie verbaas nie, vind ons dit uiters teleurstellend dat hierdie aanval
op die PVJ nie aan onsself gerig is nie.

Ons antwoord nou puntsgewys op die stellings in sy brief.

A Op die aanklag dat ons gesê het dat mnr. Opperman nie op ons vertoë
gereageer het nie wil ons noem dat ons nooit gesê het dat hy nie gereageer
het nie. Wat ons wel gesê het, is dat hy nooit bevredigend gereageer het of
aan ons versoek voldoen het nie. Daarom het ons ook met aksie voortgegaan.
Wat ons wel gesê het is dat die winkeleienares nooit op ons e-posse
gereageer het nie. Dit het sy self ook erken en gesê dat sy dit nie nodig
geag het nie.

B Op hierdie punt wil ons net weet hoekom die VTM bestuur nooit met die
PVJ bestuur kontak gemaak het oor die moontlikheid van samesprekings nie,
aangesien dit ons is wat die aksie geloods het. Waarom dan met mnr. Henk
van de Graaf praat wat die nasionale president is van die
Verkennersbeweging?

C Op punt C wil ons reageer deur te sê dat dit mnr. Opperman is wat
onwaarhede versprei. Die PVJ het nooit iets van dié aard gesê nie. Sy
wanindruk kom moontlik van die Praag artikel wat verwys het na die NSA vlag
as Winnie se kopdoek. Mnr. Opperman moet nie woorde in die PVJ se mond lê
nie.

Verder antwoord ons op die VTM se uitgangspunt soos in hierdie brief
uiteengesit.

A Die VTM is hiervolgens 'n private maatskappy wat impliseer dat daar
aandeelhouers is wat winste trek. Intussen het mnr. Opperman in sy brief
aan die Verkenners pertinent gesê dat die VTM 'n Artikel 21, dus 'n
nie-winsgewende organisasie is.

B As die winkel uitgekontrakteer is, hoe klop dit met punt A hierbo wat sê
dat hulle afhanklik is van die winste?

Verder noem hulle die etos van die VTM. As goedere soos kondome binne
hierdie etos raamwerk aanvaarbaar is, wat sê dit dan van die VTM etos?

C 'n Toeris wat die moeite doen om die VTM te besoek sal juis iets wil
koop om te wys dat hy juis daar was i.p.v. iets wat hy op enige ander plek
in SA kom koop. Of is daar toeriste wat SA besoek net om by die VTM te kom
kuier?

D Die Republieksvlag is lank nie vergete nie. Die kinders wat onder die
nuwe vlag gebore is en nie enige ander vlag ken nie is dié wat nie deur hul
ouers oor hul geskiedenis ingelig is nie. Enige trotse Afrikaner lig hul
kinders behoorlik hiervan in. Niemand "herkonstrueer" die verlede nie, maar
as jy nie weet waar jy vandaan kom nie, sal jy nie weet wie jy is nie en sal
jy nooit kan droom oor wat jy nog kan wees nie.

E Die Verkenners is nie verantwoordelik vir enige van hierdie twee gevalle
nie, maar ons is dankbaar dat mnr. Opperman noem hoeveel mense en/of
organisasies alreeds sigbaar teen hulle te velde getrek het oor hul
volksvreemde bedrywighede.

F Die Verkenners het nooit enige huurder, besoeker, gebruiker van VTM
fasiliteite of bestuurslede van die VTM gedreig nie. Inteendeel het ons die
geskil baie vreedsaam hanteer.

Mnr. Opperman beweer dat ons op onwaarhede steun om aan onsself
geloofwaardigheid te verleen. Dit blyk egter of dit eerder die VTM is wat
oningelig is. Die PVJ is 'n Christelike organisasie en ons sal nie van
leuens gebruik maak nie. Die VTM, soos dit blyk uit die inhoud van hul
winkel, het alle Christelike waardes laat vaar en daarom verbaas dit ons nie
dat hul wel van so 'n strategie gebruik maak nie.

Pretoria Verkenners Jeug bestuur
verkennersjeug@gmail.com


--
Werner Smook
Voorsitter: Verkenners Jeug Pretoria

"Volkskultuurfees"

Stalletjies

Soos by al die vorige feeste wat by Paardekraal aangebied is in 2008,
sal daar ook by die Volkskultuurfees van 30 Mei 2009 stalletjies wees.
Die kerke van Krugersdorp sal die kos stalletjies beman en daar sal
ook verskeie ander stalletjies wees. Van die stalletjies wat daar sal
wees is:

Die Verkenners beweging - Inligting stalletjie.

CVO Brandwag - Inligting stalletjie

Oranjekas - Inligting stalletjie waar daar ook rekening op die dag oop
gemaak sal word.

Ons vir jou - Inligting stalletjie van die musiekblyspel.

Oranje Sakekamer Wesrand - Inligting stalletjie

Camdix - Uitstalling van militaria

VVK - Inligting en registrasie punt

GK267 - volkseie aandenkings

Bravoland - Volkseie aandenkings

Daar sal ook verskeie boekverkopers wees.

Indien enige persoon belangstel om 'n stalletjie te beman by die fees,
kontak my gerus by ben@bravoland.co.za

* Nuus: Volksraad Verkiesing Kommissie *

Beste Vriende,

Sedert einde 2008, maar veral die afgelope maande, is 'n uiters
belangrike herskikking besig om in ons volkslewe plaas te vind.

Dit speel af op politieke front, maar raak veral ook duidelik uit die
nuwe posisionering van sekere konglomerate wat vry algemeen tot dusver
as "volksorganisasies" deurgegaan het; en plotseling met vreemde maats
in die bed skyn te wees.

Soos gewoonlik, is hierdie verwikkelinge nie noodwendig goeie nuus in
ons worstelstryd om vryheid nie. Duidelik sal hierdie stryd uit 'n
suiwer logika-oogpunt al hopeloser word indien ons gewone volksgenote
op die grond nie dringend bemagtig word tot seggenskap in ons toekoms
nie - en dit geld nie net in die konteks van ons teenoor ander volkere
nie, maar veral ook op interne vlak binne die volk.

En juis dáárvoor werk die VVK - met alles wat ons is en alles wat ons
het... enduit.

Soos altyd wanneer ons volk aan homself oorgelaat is om hom aan sy
skoenrieme op te trek, gaan die VVK-inisiatief egter nie gepaard met
miljoene in die bank en 'n groot, betaalde personeelkorps nie. Ons
werk word gedoen danksy bittereinder-mense en organisasies wat
oorgebly het om die stryd in ons dag, in goeie trou te stry.dieselfde
beproefdes en vertroudes wat soveel al gedoen en opgeoffer het.

Maar hoekom sou hulle wéér probeer; weer opoffer?

Wat die VVK-inisiatief hierdie keer vir diesulkes inhou, is dat dit
gebou en gestruktureer is op sodanige wyse dat dit om die volk en die
volk alleen draai; dat ons die leisels van interne besluitneming oor
ons noodlot vir eenmaal (sedert 1902!) in volkshande plaas; en dat die
volksaak hierdie keer nie in die rug gesteek KAN word nie.

Duisende volksgenote besef dit; en het reeds dienooreenkomstig
gereageer. En soos wat die deure elders een vir een in hierdie volk se
gesigte toegeklap word, sal ons werk net vinniger en vinniger momentum
gegee word soos wat dit deur meer en meer gewone mense op straat besef
word. Harde werk is al gedoen, en daar lê nog harder, maar opwindende
werk voor! Hoe meer hande wat die wa help trek, hoe vinniger span ons
weer uit in die "Bedoelde Land".

Sedert ons laas gesels het in hierdie rubriek, moes ons in die
Sentrale Komitee (SK) afskeid neem van "Tannie Bets". Bets Botha het
weens nuwe persoonlike uitdagings versoek om, vir die oomblik altans,
verskoon te word van die SK. Ons groot dank word hiermee uitgespreek,
nie net vir haar belangrike insette in VVK-verband nie; maar vir alles
wat sy al vir haar volk beteken en geoffer het en steeds bly doen.
Haar moed en inspirasie het ons tot voorbeeld geword!

Gelukkig word die SK aangevul met "nuwe bloed" in die vorm van ons
vaardige Openbare Betrekkinge Beampte, Quintin Diederichs. Quintin
werk met die ywer en begeestering kenmerkend van die jonger
lewensjare, en het reeds 'n GROOT verskil gemaak - en dit is waaroor
dit gaan. Hartlik dank vir jou harde werk en die opgewekte luim waarin
jy dit doen, Quintin!

Ons is ook dankbaar vir die insette van Theo Kruger, wat intussen as
Algemene Verkiesing Streek-koördineerder in die Groblersdal-omgewing
doenig geraak het.

Verder het Willem ("Willie") Steenkamp ook begin help as Verkiesing
Streek-koördineerder (VSK) van Streek 17: Brittanje, Noord-Ierland en
die Ierse Republiek. Willie kan ook Registrasie Beamptes (RB's) daar
aanstel; en gegewe die hoeveelheid van ons mense daar, weet ons daar
lê harde werk vir hom voor. Hiermee weereens DANKIE aan jou, Willie!

Dankie aan Franz Conradie wat uit Orania laat weet het dat hy bereid
is om te help met die dokumentêre dvd-produksie. Onthou, daar is 'n
staande uitnodiging aan almal van julle om film-materiaal beskikbaar
te stel wat ons volkslewe in al sy fasette, beide in verlede en in
hede, uitbeeld vir moontlike gebruik in ons dvd.

Die beplande toer van ons VSK , Henk van de Graaf, en andere na
Australië later vandeesmaand is ongelukkig uitgestel na Oktober. Dit
beteken dat ons volksgenote aldaar se vele versoeke om as kiesers
geregistreer te kom, nog nie op hierdie stadium aangespreek kan word
nie. Kan iemand wat daar woonagtig is en in Suid-Afrika op besoek is
of eersdaags hierheen kom, ons ASSEBLIEF kontak sodat ons 'n VSK en
RB's daar in plek kan kry? (Dieselfde geld vir Kanada en Nieu Seeland)

Maak gerus 'n draai by die Geloftefeesterrein van Potgietersrus om
10h00 op 23 Mei of op 30 Mei by die Paardekraal-feesverrigtinge, as
enigeen persoonlik met ons wil skakel.

Groetnis van huis tot huis tot volgende keer, en onthou gerus die
volgende aanhaling:

"Dit het my yskoud gemaak van vrees" (Winston Churchill tydens sy
gevangeskap in die Tweede Vryheidsoorlog, toe hy hoor hoe die Boere
saans Psalms sing).

- VVK Sentrale Komitee

Volksraad Verkiesing Kommissie

Vryheid - Eenheid - Geregtigheid

Sunday, May 10, 2009

Voortrekkermonument verset aksie

Die Pretoria Verkenners Jeug het gistermiddag (9 Mei) 'n aksie geloods teen
die verkoop van allerlei ongepaste goedere by die geskenkwinkel van die
Voortrekkermonument. Die goedere het niks met ons volksgeskiedenis te make
nie.
Die aard van die goedere wissel van volksvreemd, volksvyandig, immoreel tot
selfs on-Christelik. Sien gerus die foto's aangeheg.

Ons vra omverskoning vir die lae gehalte van die polisie foto's.

Die klagskrif is aan mnr. Kobus Jacobs, die logistieke bestuurder van die
Voortrekkermonument deur ons sekrataris, mnr. Ruan Combrink oorhandig.

Luister gerus ook die klankbaan van die nuusberig wat dieselfde aand om
8 uur op Radio Pretoria uitgesaai is. Die naam daarvan is: VTM Besetting

Hier volg ons amptelike persverklaring:

--------------------------------------------------------------------

Persverklaring

Ons, die Pretoria Verkenners Jeugpos, het besluit om op 9 Mei 2009 sigbaar
en duidelik protes te lewer teen die volksvreemde goedere wat in die
Voortrekkermonument Geskenkwinkel verkoop word. Die Voortrekkermonument is
eerstens 'n huldeblyk aan die trekkers van die Groot Trek en dus 'n baken
van die Afrikanervolk se vryheidstrewe. Daarom voel ons dat die
geskenkwinkel ook homself uitsluitlik op die voortrekker- en dus die
Afrikanerkultuur behoort toe te spits. Tans is dit nie die geval nie. Eerder
word goedere verkoop wat verteenwoordigend is van organisasies en elemente
wat juis geveg het om weer die Afrikaner van sy vryheid te beroof.

Verskeie pogings is aangewend om op 'n minder sigbare manier die goedere te
laat verwyder. Briewe is gestuur aan Mnr. Gert Opperman, hoof uitvoerende
bestuurder van die Voortrekkermonument asook aan die eienares van die
Voortrekkermonument geskenkwinkel, Mnr. Opperman het daarop geantwoord deur
onder meer te meld dat die winkel verhuur word en deur die eienares vir eie
wins of verlies bedryf word. Geen antwoord is van die eienares ontvang nie.
Mnr. Opperman het na 'n onderhoud met Radio Pretoria, waartydens hy kennis
geneem het van die Verkenners se voorneme, 'n afspraak aangevra tussen
homself en lede van die verkenners. By navraag is egter van Mnr. Willie
Smith, bemarkingsbestuurder, verneem dat Mnr. Opperman eers oor ten minste
'n week sou kon vergader. Dit is 'n doelbewuste sloeraksie wat nie vir die
eerste keer deur Mnr. Opperman gebruik is nie. Ons sien dit as die
lafhartige ontduiking van 'n probleem wat moet aangespreek word. Daarom het
ons hierop besluit om met aksie voort te gaan.

Om ons misnoeë te kenne te gee het 'n groep van ons in die winkel ingegaan
en daarop aangedring dat die goedere verwyder word, waarop die polisie
ontbied is deur mnr. Kobus Jacobs, die logistieke bestuurder. Nadat die
polisie opdrag gekry het van mnr. Jacobs en die winkel eienares om ons te
arresteer, het ons aangebied om vrywilliglik die perseel te verlaat indien
ons 'n klagskrif kan oorhandig. Die klagskrif is oorhandig, sowel as 'n
ampelike steunbrief van die Afrikanerfront wat 25 Afrikaner
volksorganisasies verteenwoordig. Mnr. André Alkema, dagbestuurslid van die
Afrikanerfront was ook teenwoordig.

Daarna moes ons onder polisie begeleiding die perseel verlaat, maar nie
voordat ons deeglik deursoek is en ons voertuie se registrasienommers
afgeskryf is nie.

Dit is uiters teleurstellend dat die Voortrekkermonument se bestuur en die
eienares van die Voortrekkermonumentgeskenkwinkel bereid was om volksgenote
te laat arresteer, omdat hulle opstaan vir die beginsels en waardes wat deur
hierdie eindste monument gesimboliseer word.

Indien nie aan hierdie versoek voldoen word nie sal die Verkenners aanhou
druk plaas op die bestuur van die monument.

Ruan Combrink

Sekretaris: Pretoria Verkenners Jeug.


-------------------------------------------------------------------------

Werner Smook
Voorsitter: Verkenners Jeug Pretoria

Orania Dinee

Mense sê baie keer vir my Orania is net te klein, my teenvraag is
gewoonlik wat het jy gedoen om te help om dit groter te maak. Die probleem
is as volg.

1) Min mense kan Orania toe trek om 'n besigheid te begin as daar nie
arbeid is nie. Maar volgende keer as daar gepraat word oor arm blankes wil
mense weet hoekom ons hulle nie ALMAL daar help vestig nie,
2) Arm blankes
kan nie daar vestig as daar nie werk is nie.
3) Daar moet gesubsidieerde
behuising vir arbeid geskep word. Werkgewers kan nie altyd die koste ook
dra nie.

Dis bietjie van 'n eers die hoender of eers die eier probleem.

Wat van ons hou bietjie op met kla, en sit 'n handjie by. Die Helpsaamfonds
van die Oraniabeweging hou 'n aantal dinees met die gaskunstenaar Steyn Fourie
wat optree om geld in te samel om gesubsidieerde behuising vir blanke
arbeiders op Orania te bou, daar word beoog om die bestaande Elim
Arbeidsentrum te vergroot en die projek uit te brei. Koste: R140
perpersoon vir die vertoning sowel as 'n driegangmaaltyd

Konserte word gehou :

Vrydag 15 Mei - Potchefstroom (Borcherdstraat 78)
Saterdag16 Mei - Pretoria ( Irene Village Hall, Pioneerweg 1)

Vir verdere besonderhede kontak Frans de Klerk – 053 207 0062 of Steve
Horn – 071 670 6395
'n Volkstaat val nie uit die lug nie dit word gebou een steen op n slag!!!

Monday, April 27, 2009

BELANGRIKE VVK NUUS

Beste Volksgenote,

Na afloop van die Majuba-naweek in Februarie, is die VVK weer 'n hele
ent verder in die pad af met die taak om 'n verkiesing onder ons eie
volk te fasiliteer. Groot dank aan almal wat hulle bydrae daartoe
gelewer het!


Op 25 Februarie is Paul Kruger (VVK Voorsitter) genooi deur 'n
sub-komitee van Transvaalse Landou-Unie SA, bestaande uit 'n aantal
van hulle oud-Presidente, om die VVK se rol en strategie aan hulle
uiteen te sit met die oog op moontlike samewerking van TLU SA se kant
af. Die sub-komitee sou terugvoer gee aan TLU SA se bestuurstrukture
ten opsigte van die gesprek, wat uiters positief verloop het. By
skrywe hiervan (26 April 2009) sien ons nog uit na 'n amptelike
besluit deur TLU SA, om ook op staatkundige terrein die wa saam met
die VVK te help trek in ons volk se epiese stryd om oorlewing. Die
sorgwekkende is dat dit die volk 15 jaar geneem het net om met Stap 1
te begin: Die verkiesing van leiers wat met die spesifieke mandaat
beklee is om ons eis vir selfbeskikking in ons eie gebied regmatig te
kan stel. ALLE hande word nou benodig!


Op 12 Maart 2009 het Paul Kruger 'n radio-onderhoud met Prof. Hendrik
van der Wateren (Voorsitter van die Afrikaner Front, 'n
sambreel-liggaam met 25 lid-organisasies waaronder Radio Pretoria, TLU
SA, die HNP, GHA en andere) gevoer. Die Afrikaner Front se
doelstelling word in sy grondwet uiteengesit as selfbeskiking vir ons
volk, en Prof. Van der Wateren het dan ook tydens die onderhoud
bevestig dat die Afrikaner Front-bestuur 'n amptelike besluit geneem
het om die VVK se verkiesingsinisiatief te steun. Ons het met
dankbaarheid daarvan kennis geneem, en doen hiermee 'n beroep op alle
volksorganisasies wat nog nie lid van die Afrikaner Front is nie, om
so gou moontlik julle gewig daar in te gooi. Organisasies wat reeds
lede van die Afrikaner Front is word genooi om dringend met die VVK te
skakel vir beplanning rondom julle bydrae tot realisering van ons
volksverkiesing.


Intussen het ook 'n klomp hande op die dek bygekom as Registrasie
Beamptes en Verkiesing Streek Koördineerders. In laasgenoemde verband
is ons dankbaar teenoor Ds. Du Plessis (vir die streek Wes-Transvaal),
Dr. Pieter Möller (Algemene Verkiesing Streek-Koördineerder), Dr.
Corné van der Walt (Chicago, VSA), G.P de Kock (Orania / Noord Kaap),
Roché van Heerden (Graaff-Reinet / Oos-Kaap), Kobie van der Hoven
(Algemene Verkiesing Streek-Koördineerder en verleen ook hulp aan
Sakkie van der Schyff in die streek Noord-Vrystaat) en Marieke Smuts
(België).

As iemand vanuit die buiteland in Suid-Afrika op besoek is, hoor ons
graag daarvan sodat ons die nodige papierwerk in plek kan kry vir
aanstelling as Registrasie Beamptes en Streek Koördineerders oorsee
wat ons vele volksgenote in verstrooiing kan bedien om geregistreer te
kom. Dit spaar die VVK die onkoste van oorsese reise!


Op 2 April 2009 het die VVK Sentrale Komitee 'n voorlegging namens die
VVK gedoen by die Afrikaner / Zuma beraad en die strekking daarvan
word in die volgende media-verklaring weergegee:


MEDIA-VERKLARING DEUR DIE VVK
na aanleiding van die byeenkoms:

"Afrikaner-leiers in Dialoog met ANC President, Jacob G. Zuma
gehou op Donderdag, 2 April 2009 te Sandton, Johannesburg

Die Volksraad Verkiesing Kommissie (VVK) was deur die fasiliteerder
van die byeenkoms: "Afrikaner-leiers in Dialoog met ANC President
Jacob Zuma" na die genoemde byeenkoms uitgenooi. Mnr. Paul Kruger,
Voorsitter van die Sentrale Komitee van die VVK, het die byeenkoms op
2 April 2009 bygewoon en 'n voorlegging daartydens gelewer.

Die Afrikaner-organisasies op die byeenkoms het oor 'n wye spektrum
gewissel van Kerke, kultuur-organisasies, Landbou-organisasies,
vroue-organisasies en die Broederbond tot die Orania-Inisiatief.
Tydens hulle voorleggings, het geen van hierdie organisasies ons volk
se strewe om onsself in ons eie staat te regeer, voorgedra nie.

Mnr. Paul Kruger het die aanwesiges in die volgende terme toegespreek:

1. Dat die Afrikaner- "leiers" op die byeenkoms GEENSINS die politieke
leiers van die Afrikaner is, soos wat Mnr. Zuma die leier van sy mense
is nie; omdat hulle nie demokraties daartoe verkies is nie, soos wat
Mnr. Zuma tot leier van sy belangegroep verkies is.

2. Dat hierdie sogenaamde Afrikaner "leiers" gevolglik GEEN mandaat
het om enige politieke uitsprake namens die Afrikaner te maak nie; en
ten beste beskou kan word as leiers van sekere inisiatiewe wat onder
'n deel van die Afrikanervolk aan die gang is.

3. Dat die Afrikanervolk sedert 1994 inderwaarheid leierloos en
polities onthoof is.

4. Dat die Volksraad Verkiesing Kommissie juis besig is om hierdie
politieke onthoofding op te los, synde in proses om 'n Volksraad te
laat verkies. Die volksverkiesing wat die VVK in proses is om te
fasiliteer, sal 'n vry; regverdige en demokratiese VOLKSverkiesing
wees.

5. In daardie verkiesing word gewone mense tans in die
Boere-Afrikanervolk die geleentheid gebied om as kiesers op ons eie
kiesersrol te registreer; uit vrye keuse Volksraadslede te nomineer;
en nadat die kieserregistrasietydperk afgeloop is, sal hulle uit vrye
keuse vir diegene kan stem wat hulle met hulle politieke toekoms
vertrou.

6. Eers daarna sal die Afrikaner weer oor politieke "leiers" beskik
wat die leiding betreffende ons uiteindelike politieke toekoms kan
neem en in sodanige verband namens ons volk sal kan praat.

7. Dit is prakties onmoontlik vir een Regering om in die uiteenlopende
behoeftes van verskillende volke te voorsien in een Staat met skaars
hulpbronne, deur wetgewing wat almal akkomodeer. Dit is ook die geval
in Suid-Afrika.

8. Dat 'n wesenlike deel van ons volk nie die huidige Brits-koloniale
grense van Suid-Afrika aanvaar nie, en selfbeskikking in ons eie
gebied opeis.

9. Dat ons Volksraad, sodra dit tot stand gekom het, hierdie eis sal
hanteer ooreenkomstig die vereistes van die Volkereg.

- Paul Kruger
6 April 2009


Intussen werk ons hard aan die draaiboek van die televisie-produksie
wat ons gratis by wyse van DVD gaan versprei. Weereens: As iemand
interressante video-materiaal het uit welke tydperk ookal, laat weet
asseblief!

Julle het sekerlik opgemerk dat ons webwerf ook intussen in 'n ander
klas inbeweeg het, en hiervoor ons opregte dank aan die jonge heer
Quintin Diederichs. Ek voorspel dat hy nog diep spore in die
vryheidstryd gaan trap! Danksy Quintin se uitsonderlike vaardighede op
die internet-terrein is hy gevra om as Openbare Betrekkinge Beampte
vir die VVK op te tree, en enigiemand wat ons wil kontak insake e-pos
kommunikasie, webwerwe of Internet-navrae kan sommer direk met hom
skakel by 076 943 2214 of vvk@drommedaris-golf.com

Ja, en so het die nasionale verkiesing van 2009 intussen verbygegaan
sonder - wil ek my verstout om te sê - dat dit ons nader gebring het
aan ons strewe om onsself weer in ons eie vaderland te regeer. Van die
VVK se kant af is ons dankbaar dat talle vryheidsgesindes wat wel in
die nasionale verkiesing gestem het, nou reeds ook hulle gewig ingooi
by die volk se eie verkiesing wat die VVK fasiliteer – 'n verkiesing
wat gaan uitloop op 'n mandaat aan verkose leiers wat die eis vir
selfbeskikking sal deurvoer.

Laat ons almal in snelrat inbeweeg met die harde werk op hande; kontak
die Sentrale Komitee met enige vorm van hulp wat jy kan aanbied, en
onthou dat ons niks beter of slegter is nie as ons voorouers wat net
sulke geweldige uitdagings te bowe moes kom – en te bowe gekom het –
ter wille van vryheid. ONS KAN DIT OOK DOEN, ONS GAAN DIT OOK DOEN!

Groetnis tot volgende keer.

"Sukses is nie 'n ongeluk nie – dit is die resultaat van 'n intelligente poging"